一封信

潘钜森

　　阿祖，已经六日喇，你已经六日冇同我讲过嘢，你为咗避开我，甚至扮病唔返饼铺。我个心真喺好痛，𠮶种痛比起阿强抛弃我𠮶阵时更加痛。但喺我知道唔应该怪你，由我写信俾你，约你去狮子山公园见面𠮶日开始，我就知道，我哋条路好难行，会有好多眼泪。
　　祖哥，本来我都好想学阿荷一样，回避问题，但喺原来我做唔到，可能喺因为我爱你太深。你坚强啲，唔可以再甘样拖落去，拖落去嘅结果，只有我哋所有嘅人都一齐痛苦。我向你保证，我会对待你嘅仔女好似对待心女一样。祖哥，我写呢封信比你嘅时候，我心情真喺好乱。我个肚已经渐渐大喇。我去睇医生，医生话我身体太虚弱，唔可以落。命运点解真喺要甘样对我。强哥离开咗我，我想死又死唔去，宜家又是喺甘。祖哥，我对你有时真喺觉得好矛盾，有时我觉得你喺世界上一个最好嘅男人，有时我又觉得你太狠，唔通你真喺要见到我一尸两命，你先会知道我对你有几真。
　　祖哥，我无求喇，我只求你好好照顾我心女，祝你一家幸福。